Муқаддима 

 

Аллоҳ таолога ҳамду санолар, Пайғамбаримиз Муҳаммад саллолоҳу алайҳи ва салламга, аҳлибайтларига ва асҳобларига ҳамда қиёматгача уларнинг изларидан эргашганларга Аллоҳнинг салоту саломлари бўлсин.

    Муҳтарам биродарлар ва муҳтарама опа-сингиллар! “Дорул Ислом” веб-саҳифасининг ижодий гуруҳи сиз каби қўллаб-қувватловчилари билан ҳамкорликда эришган ижод маҳсулини эътиборингизга ҳавола қилиш билан бахтиёрдир!

   Аллоҳга беадад шукроналар бўлсин-ки, марказимиз қошида бу муборак иш самараси ўлароқ  интернет системаларида ўндан ошиқ тилларда ажойиб веб-саҳифалар силсиласи майдонга келди. Дунёнинг етмишдан ортиқ тилида исломий тарбияга алоқадор, илмий материалларни муҳайё қилувчи оламий электрон марказ ташкил топди. Бизнинг “Дорул Ислом” веб-саҳифамиз ҳам ана шу марказ ёрдамида олам тилларига исломни тақдим қилишда олдинги ўринларга чиқди! Лекин, алҳамду лиллаҳ, биз бу билан чекланиб қолишни ҳоҳламаймиз. Бизда янада илғорроқ фикрлар, янги-янги лойиҳалар мавжуд ва улар яқин келажакда мана шу саҳифалардан ўрин олажак! Улар албатта сиз азизларга манзур ва қўллаб-қувватлашингизга муносиб бўлади деб умид қиламиз. Иншааллоҳ.

  Сўзимизнинг охирида Аллоҳ субҳонаҳу ва таъолодан ҳаракатларимизга баракот ва мақсадларимиз ижросига ёрдам беришини ҳамда барча ишларимизни ҳасанот мезонига қўйишлигини сўраб қоламиз. 
 

    Ҳурмат ва эҳтиром билан “Дорул Ислом” лойиҳасининг ижодий гуруҳи 
 

Лойиҳанинг асосий мақсади 

    Имкони борича интернет системалари ва бошқа барча алоқа воситалари ёрдамида мусаффо ислом дини ҳақидаги хабарларни мусулмон эмасларга етказиш ва мусулмонларга саҳиҳ ибодат ва тўғри эътиқодли бўлиш учун нималар лозимлигини ўргатиш.

 

Лойиҳанинг бошқа мақсадлари 

1. Интернет тузимларини Исломни танитиш йўлида унумли фойдаланган ҳолда, дунё халқларига муқаддас Ислом динини уларнинг ўз тилларида етказиш.

2. Ислом дини ҳақидаги душманлар сувратлаб берган нотўғри тасаввурларни ўчириб, соф-мусаффо тасаввурларни тақдим қилиш.

3. Интернет имкониятларини ҳисобга олган ҳолда “Тавъиятул жолиёт” идораси кўзда тутган мақсадлар доирасини кенгайтириш. 

4. Оламдаги Исломий ташкилотлар ва бошқа хусусий мураббийлар ишини енгиллатиш учун маълумот маркази ташкил қилиш.

5. Исломий тарбия жабҳасидаги китоблар, видео ва аудио кассеталар орасидан энг муносибларини танлаб олиб, уларни қайта нашр қилиш ва ҳаваскорларга етказиш.

6. Бу лойиҳани келажакда ҳар томонлама мукаммал, дунёнинг барча тилларида ва барча имкониятлардан фойдаланиб ислом тарбияси соҳасида ўз ҳиссасини қўшадиган марказга айлантириш.

Лойиҳа ўз ишини қўйидаги йўналишда олиб боради: 

1. “Дорул Ислом” веб-саҳифасининг барча материаллари  Қуръон – Суннатга  суянган ва умматнинг салафи солиҳинлари тушунчасидаги Аҳли Сунна вал Жамоъанинг йўналиши асосида бўлади.

2. Бу веб-саҳифа ҳақиқат излаган ташна қалбларга бағишланади ва унинг мақсади Аллоҳдан келган Ҳақиқатни аниқ далил ва ҳужжатлар асосида баён-у изҳор қилишликдир.

3. “Дорул Ислом” веб- саҳифаси Аҳли Сунна вал Жамоанинг жумҳур уламолари тарафидан иттифоқ қилинган дин усуллари ва фуруъотларини баён қилиш билан гина чекланиб, одамларни ҳам ана шу иттифоқ қилинган ишларни ушлашликга ва ўзаро нафрат-адоватга, тафриқага сабаб бўладиган масалаларни қўзғашликдан узоқ бўлишликга даъват этади.

   “Дорул Ислом” веб- саҳифаси шунингдек: 

1. Исломий ҳизблар ва жамоатлар орасидаги ихтилофларга ҳамда сиёсий масалаларга аралашмайди.

2. Аллоҳнинг китоби ва пайғамбарининг Суннатидан бошқа ҳеч бир ҳизбга ва жамоатга, ҳеч бир мазҳабга таассуб қилмайди.

3. Ҳеч бир муайян шахсларни, тузилмаларни ва давлатларни ёмонлаш, обрўсизлантириш ёки аксинча мақтаб, кўкларга кўтариш билан шуғулланмайди.

4. Муайян давлатларнинг шариатга хилоф келмаган низомларига риоя қилади.

5. Қайси бир илмий-шаръий модда хусусида ихтилоф пайдо бўлиб қолса, масалани илм аҳлларига ҳавола қилади.

 

 “Дорул Ислом”

 

Исломни оламга тақдим этади!